janampulse
Breaking News

ఇద్దరు ఐఏఎస్‌లకు హైకోర్టు శిక్ష… Andhra Pradesh: కోర్టు ధిక్కరణ కేసు

విలేజ్‌ హార్టికల్చర్‌ పోస్టుల భర్తీకి 2020 జనవరిలో ఉద్యానవనశాఖ జారీచేసిన నోటిఫికేషన్‌ వ్యవహారంలో తానిచ్చిన ఆదేశాలు పాటించలేదంటూ.. పంచాయతీరాజ్‌ కమిషనర్‌ గిరిజాశంకర్‌, అప్పటి ఉద్యానవనశాఖ కమిషనర్‌ చిరంజీవి చౌదరికి శిక్షతోపాటు రూ. వెయ్యి జరిమానా విధించింది.

కోర్టు ధిక్కరణ కేసులో ఇద్దరు ఐఏఎస్ అధికారులకు తొమ్మిది రోజుల సాధారణ జైలు శిక్ష, రూ.వెయ్యి చొప్పున జరిమానా విధించిన హైకోర్టు ఆ తరవాత మానవతా దృక్పథంతో ఆ తీర్పును సవరించింది. ఇద్దరికీ రూ.వెయ్యి చొప్పున జరిమానా విధించడంతో పాటు మంగళవారం న్యాయస్థానం పనిగంటలు ముగిసేవరకు కోర్టులోనే ఉండాలని ఆదేశించింది. ఐఏఎస్‌ అధికారి, ప్రస్తుత పంచాయతీరాజ్‌ కమిషనర్‌ గిరిజాశంకర్‌, అప్పటి ఉద్యానవనశాఖ కమిషనర్‌ చిరంజీవి చౌదరికి ఈ శిక్ష విధించింది.

జరిమానా సొమ్ము చెల్లించడంలో విఫలమైతే మూడు రోజుల సాధారణ జైలు శిక్ష అనుభవించాలని స్పష్టం చేసింది. హైకోర్టు న్యాయమూర్తి జస్టిస్‌ బట్టు దేవానంద్‌ మంగళవారం ఈమేరకు ఆదేశాలిచ్చారు. న్యాయస్థానం తీర్పును అనుసరించి ఇద్దరు అధికారులు కోర్టు సమయం ముగిసే వరకూ అక్కడే ఉన్నారు. కోర్టు తొలుత ఇచ్చిన తీర్పుతో షాకైన అధికారులు.. న్యాయస్థానం ఉత్తర్వుల విషయంలో మరింత జాగ్రత్తగా ఉంటామని, క్షమించాలని, వయసు, ఇప్పటివరకు అందించిన సేవలను పరిగణనలోకి తీసుకోవాలని అధికారులు అభ్యర్థించారు. వారి విన్నపాన్ని మన్నించిన హైకోర్టు కొవిడ్‌ నేపథ్యంలో మొదట విధించిన శిక్షను సవరిస్తున్నట్లు న్యాయమూర్తి పేర్కొన్నారు. 2020 జనవరిలో విలేజ్‌ హార్టీకల్చర్‌ అసిస్టెంట్‌ పోస్టుల భర్తీకి ప్రభుత్వం ప్రకటన జారీచేపింది. ఎంపిక ప్రక్రియ మధ్యలో ఉండగా నిబంధనలను మార్చడంపై 36 మంది అభ్యర్థులు హైకోర్టును ఆశ్రయించారు. దానిపై విచారణ జరిపిన కోర్టు నోటిఫికేషన్‌ సవరిస్తూ ఇచ్చిన ఉత్తర్వులను సస్పెండ్‌ చేస్తూ పిటిషనర్లకు పోస్టుల భర్తీలో అవకాశం కల్పించాలని ఆదేశించింది. ఆ ఉత్తర్వులు అమలు చేయకపోవడంతో 36 మంది అభ్యర్థులు ఈ ఏడాది ఫిబ్రవరిలో కోర్టు ధిక్కరణ వ్యాజ్యం వేశారు. మంగళవారం ఈ వ్యాజ్యంపై మరోసారి విచారణ జరిపిన న్యాయమూర్తి.. అధికారులు ఉద్దేశపూర్వకంగానే కోర్టు ఉత్తర్వులను ఉల్లంఘించినట్లు స్పష్టం అవుతోందని అభిప్రాయపడి ఆ మేరకు శిక్ష విధించారు.

Recent News

Janam Pulse provides latest breaking news, ploitical news, cinema entertainment news, latest central news, videos, political news and breaking news in the state of Telangana, Andhra Pradesh and near by regions. Get all the latest news updates on your favourite politician. Also find more information on politics.