janampulse
Breaking News

రెడ్లు కమ్మలకు వ్యతిరేకం, కాపులకు కాదని వ్యాఖ్య! YSRCP పవన్‌ను సమర్ధించిన మాజీ ఎంపీ

నర్సాపురం మాజీ పార్లమెంట్ సభ్యుడు, ప్రముఖ కాపు నేత చేగొండి హరిరామ జోగయ్య.. జనసేనాని పవన్ కళ్యాణ్ రాజమండ్రిలో చేసిన వ్యాఖ్యలను సమర్ధించారు.

రాజమండ్రిలో Janasena అధినేత Pawan Kalyan చేసిన వ్యాఖ్యలను మాజీ ఎంపీ, కాపు సంక్షేమ సేన వ్యవస్థాపక అధ్యక్షుడు  చేగొండి హరిరామ జోగయ్య  సమర్ధించారు. ఆదివారం ఆయన మీడియాతో మాట్లాడుతూ.. రాజమండ్రిలో పవన్ నిర్వహించిన బహిరంగ సభ ఆయన రాజకీయ ఎదుగుదలకు నాంది అని వ్యాఖ్యానించారు. వివిధ కులాల కలయికతో రాజ్యాధికారం చేపట్టి ఇందుకు కాపులు, తెలగలు, బలిజలు, ఒంటరి.. మిగిలిన కులాలను కలుపుకొని పోవాలనే వ్యాఖ్యలను సమర్ధిస్తున్నానని, దానికి పవన్ సారథ్యం వహించడం స్వాగతిస్తున్నామని తెలిపారు.

కమ్మ కులస్థులకు, రెడ్డి కులస్తులు వ్యతిరేకమని, కాపులకు కాదని మాజీ ఎంపీ అభిప్రాయపడ్డారు. జనసేన రాజ్యాధికారం దక్కించుకుంటే పరిపాలన ఈ నాటి ప్రభుత్వ పాలనలా ఉండదన్నారు. ప్రజాస్వామ్యయుతంగా ఉంటుందని, అన్ని ప్రాంతాల సమాన అభివృద్ధి సాధించే విధంగా ఉంటుందని పేర్కొన్నారు. పవన్ కళ్యాణ్ ప్రతిపాదనలు ఆహ్వానించదగ్గ విధంగా ఉన్నాయని అన్నారు. జనసేనాని ప్రతిపాదనలను కాపు సంక్షేమ సేన మనస్ఫూర్తిగా ఆహ్వానిస్తుందని హరిరామ జోగయ్య స్పష్టం చేశారు. కాపు సామాజిక వర్గానికి చెందిన మంత్రులు పవన్ కళ్యాణ్‌ని నోటికొచ్చినట్టు తిట్టడం వెనక ముఖ్యమంత్రి జగన్మోహన్ రెడ్డి హస్తం ఉందని ఆయన ఆరోపించారు. పవన్‌ని అవమానించడమంటే… కాపు సమాజాన్ని మొత్తాన్ని అవమానపరచడేమని అన్నారు. ఇటువంటి చర్యలకు పర్యవసానం 2024 ఎన్నికలలో ముఖ్యమంత్రి చవి చూడాల్సి వస్తుందని చేగొండి హెచ్చరించారు.

Recent News

Janam Pulse provides latest breaking news, ploitical news, cinema entertainment news, latest central news, videos, political news and breaking news in the state of Telangana, Andhra Pradesh and near by regions. Get all the latest news updates on your favourite politician. Also find more information on politics.