janampulse

హైదరాబాద్ మటన్ వ్యాపారి ఇంట్లో 14 మందికి కరోనా

coronavirus

జీహెచ్ఎంసీ పరిధిలో కరోనా కేసుల సంఖ్య పెరిగిపోతూ ఉన్నాయి. తాజాగా ఒక ఫ్యామిలీలో మొత్తం 14మందికి కరోనా వైరస్ సోకినట్లు వార్తలు వస్తున్నాయి. మటన్ వ్యాపారి కుటుంబం మొత్తానికి కరోనా సోకిన వార్తలు కలకలం రేపుతున్నాయి. మూడు నెలల పాటు పటిష్టంగా లాక్ డౌన్ అమలు చేసిన తెలుగు రాష్ట్రాల్లో కరోనా కేసుల సంఖ్య తగ్గడం లేదు.

తెలంగాణలో తగ్గినట్లే తగ్గి మల్లీ కేసుల సంఖ్య పెరిగిపోతుంది. అందులోనే హైదరాబాద్‌లోనే అత్యధికంగా కరోనా పాజిటివ్ కేసులు నమోదు అవుతున్నాయి. ప్రతీ రోజు గ్రేటర్ హైదరాబాద్‌ మున్సిపల్ కార్పొరేషన్ పరిధిలోనే కేసులు నమోదు అవుతూ వస్తున్నాయి. తాజాగా మటన్ వ్యాపారి ఇంట్లో కుటుంబసభ్యులంతా ఈ వైరస్ బారిన పడ్డారు. పహడీషరీఫ్‌లో నివాసం ఉంటున్న ఒకే కుటుంబానికి చెందిన 14 మందికి కరోనా పాజిటివ్‌గా తేలినట్టుగా సమాచారం.

పహాడీషరీఫ్‌లో నివాసం ఉండే ఓ మటన్ వ్యాపారి ఇంట్లోని 14 మందికి పాజిటివ్‌గా నిర్ధారణ అయినట్టు చెబుతున్నారు. దీంతో అతని దగ్గర మటన్ కొన్న వాళ్లంతా ఇప్పుడు ఆందోళన వ్యక్తం చేస్తున్నారు. వారంతా కూడా క్వారంటైన్ పాటిస్తున్నారు.

దీంతో.. ప్రస్తుతం పహాడి షరీఫ్ ప్రాంతాన్ని కంటోన్మెంట్ జోన్‌గా మార్చేశారు అధికారులు. ఆ మటన్ వ్యాపారికి జియాగూడలోని బంధువుల ద్వారా వైరస్ సోకినట్టుగా తెలుస్తోంది. దీంతో జియాగూడ ఏరియాలో వందకు పైగా కరోనా కేసులు నమోదు కావడంతో ప్రజలు ఆందోళనకు గురవుతున్నారు.

కుల్సుంపురా పోలీస్‌స్టేషన్‌ పరిధిలోని జియాగూడ ప్రాంతాలైన ఇందిరానగర్, వెంకటేశ్వర్‌నగర్, దుర్గానగర్, సాయిదుర్గానగర్, మక్బరా, మేకలమండి, సబ్జిమండి, ఇక్బాల్‌గంజ్, సంజయ్‌నగర్‌ బస్తీల్లో కరోనా మహమ్మారి వేగంగా విస్తరించింది. ఈ వైరస్‌ను కట్టడి చేసేందుకు జియాగూడ నలుమూలలా కంటైన్మెంట్‌ జోన్లు ఏర్పాటు చేశారు.సోమవారం 66 కరోనా పాజిటివ్ కేసులు నమోదయినట్లు తెలంగాణ వైద్య ఆరోగ్యశాఖ బులెటిన్ విడుదల చేసింది.

సోమవారం మరో 72 బాధితులు ఆస్పత్రి నుంచి డిశ్చార్జి కాగా.. ముగ్గురు చనిపోయారు. సోమవారం నమోదైన కేసుల్లో జీహెచ్ ఎంసీ పరిధిలో 31, రంగారెడ్డిలో 1 కేసులు ఉన్నాయి. మరో 15 మంది వలస కార్మికులు, 18 మంది విదేశాల నుంచి వచ్చిన వారికి కరోనా సోకింది.

Recent News

Janam Pulse provides latest breaking news, ploitical news, cinema entertainment news, latest central news, videos, political news and breaking news in the state of Telangana, Andhra Pradesh and near by regions. Get all the latest news updates on your favourite politician. Also find more information on politics.