ఏపీలో మాజీ చీఫ్ సెక్ర‌ట‌రీ ఎల్వీ సుబ్ర‌హ్మ‌ణ్యం అంద‌రికి తెలిసిన వ్య‌క్తే, సీఎం జ‌గ‌న్ కు ప‌లు స‌ల‌హాలు ఇస్తూ సీఎస్ గా తొలిసారి ఆయ‌నే ఉన్నారు, అయితే కొన్ని కార‌ణాల‌తో ఆయ‌న‌ను సీఎస్ ప‌ద‌వి నుంచి తొల‌గించింది ఏపీ స‌ర్కార్, తాజాగా ఆయ‌న‌కు సంబంధించి ఓ వార్త వినిపిస్తోంది. ఏపీ మాజీ చీఫ్ సెక్రెటరీ ఎల్వీ సుబ్రహ్మణ్యం ఉద్యోగ విరమణకు సంబంధించి వైఎస్ జగన్ ప్రభుత్వం కీలక వెసులుబాటు కల్పించింది.

Also Read సీతక్క స్టైలే వేరు: లాక్ డౌన్ లో అలుపెరుగని నేత.

నేడు ఏప్రిల్ 30 పదవీ విరమణ చేయాల్సిన ఆయన, ప్రస్తుతం లాక్ డౌన్ కారణంగా హైదరాబాద్ లో ఉన్నారు. ఆయన పదవీ విరమణ చేసేలోగా బాపట్లలోని మానవ వనరుల అభివృద్ధి శిక్షణా సంస్థ డైరెక్టర్ ‌గా బాధ్యతలు స్వీకరించి, ఆపై రిటైర్ అయ్యేలా చూడాలని, తద్వారా రిటైర్ మెంట్ బెనిఫిట్స్ ఆయన కోల్పోకుండా చూడాలని ప్రభుత్వం భావించింది.దీనికి కార‌ణం ఆయ‌న ఇప్ప‌టి వ‌ర‌కూ ఆ బాధ్య‌త‌లు తీసుకోలేదు.

ఇక లాక్ డౌన్ వేళ ఆయ‌న ఇప్ప‌టికిప్పుడు చివ‌రి రోజు తీసుకునే స‌మ‌యం లేదు, ఈ స‌మ‌యంలో స‌ర్కార్ ఆయ‌న‌కు వెసులుబాటు ఇచ్చింది.. ఆన్ లైన్ ద్వారా ఆయ‌న బాపట్లలోని మానవ వనరుల అభివృద్ధి శిక్షణా సంస్థ డైరెక్టర్ ‌గా బాధ్యతలు స్వీకరిస్తారు. త‌ర్వాత సాయంత్రం రిటైర్డ్ అవుతారు, ఇక ఎల్వీని గ‌త ఏడాది న‌వంబ‌ర్ లో సీఎస్ నుంచి స‌ర్కార్ తొల‌గించింది. త‌ర్వాత తన ఉద్యోగానికి సుదీర్ఘ సెలవు పెట్టారు. ఇక ఆరునెల‌లు స‌మ‌యం ఉండ‌టంతో ఆయ‌న లాంగ్ లీవ్ పెట్టార‌ని అందుకే బాధ్య‌త‌లు తీసుకోలేదు అని అన్నారు.