రాష్ట్ర రెండో రాజధాని వరంగల్‌ నగరంలో టెక్ సెంటర్ ఏర్పాటుకు అమెరికా దిగ్గజ ఐటీ కంపెనీ జెన్‌పాక్ట్‌ ముందుకొచ్చింది. మంత్రి కేటీఆర్‌తో చర్చల తర్వాత ఈ మేరకు నిర్ణయం

వరంగల్‌వాసులకు గుడ్ న్యూస్.. నగరంలో టెక్ సెంటర్ ఏర్పాటుకు అమెరికాకు చెందిన దిగ్గజ ఐటీ కంపెనీ జెన్‌పాక్ట్‌ ముందుకొచ్చింది. ఈ మేరకు ఆ కంపెనీ సీఈవో త్యాగరాజన్ మంత్రి కేటీఆర్‌తో వర్చువల్‌గా జరిగిన సమావేశంలో తెలిపారు. ఇప్పటికే సైయంట్, టెక్ మహీంద్ర కంపెనీలు  వరంగల్‌లో  నుంచి ఆపరేట్ చేస్తుండగా.. వీటి సరసన జెన్‌పాక్ట్‌ కూడా చేరనుంది.

వచ్చే ఆరు నెలల్లో వరంగల్‌లో ఈ టెక్ సెంటర్ సేవలను ఆరంభించనుంది. దీంతో వరంగల్‌లో కొత్తగా ఐటీ ఉద్యోగాలు కల్పిస్తామని కంపెనీ సీఈవో త్యాగరాజన్ మంత్రి కేటీఆర్‌కు వివరించారు. ఈ ప్రకటనపై మంత్రి కేటీఆర్ హర్షం వ్యక్తం చేస్తూ ట్వీట్‌ చేశారు. జెన్‌పాక్ట్‌ రాకతో వరంగల్‌లో ఐటీ మరింత బలోపేతం అవుతుందని మంత్రి ఆశాభావం వ్యక్తం చేశారు. ద్వితీయ శ్రేణి పట్టణాల్లో ఐటీ అభివృద్ధికి సహకరిస్తున్న సంస్థలకు తమ మద్దతు ఉంటుందని కేటీఆర్‌ తెలిపారు. జెన్‌పాక్ట్‌ సీఈవో త్యాగరాజన్‌, వారి బృందానికి కేటీఆర్‌ అభినందలు తెలిపారు. జెన్‌పాక్ట్‌ టెక్‌ సెంటర్‌తో వ‌రంగ‌ల్ నగరం అత్యున్నత స్థాయికి ఎద‌గ‌నుంద‌ని మంత్రి కేటీఆర్ పేర్కొన్నారు. దీనిపై మంత్రి ట్వీట్ కూడా చేశారు.