ఆంధ్రప్రదేశ్ (Andhra Pradesh) సీఎం జగన్ (AP CM YS Jagan) శుక్రవారం విశాఖపట్నం (Visakhapatnam) లో పర్యటించబోతున్నారు. సీఎం ఎప్పుడు వైజాగ్ వెళ్లడం సాధారణమే కానీ.. ఈ పర్యటన మాత్రం కాస్త ప్రాధాన్యత సంతరించుకుంది.

 (Andhra Pradesh)  (AP CM YS Jagan) శుక్రవారం (Visakhapatnam) లో పర్యటించబోతున్నారు. సీఎం ఎప్పుడు వైజాగ్ వెళ్లడం సాధారణమే కానీ.. ఈ పర్యటన మాత్రం కాస్త ప్రాధాన్యత సంతరించుకుంది. కారణం రాజధాని అంశం. జగన్ అధికారంలోకి వచ్చిన వెంటనే విశాఖను పరిపాలనా రాజధానిగా ప్రకటించారు. అక్కడ నుంచి కార్యకలాపాలు ప్రారంభించడానికి పలు ముహూర్తాలు కూడా పెట్టారు. ప్రియమైన స్వామి స్వరూపా ఆశీస్సులతో రాజధాని పనులు ముమ్మరం చేయాలి అనుకున్నారు. కానీ ఇంతలోనే కోర్టు జోక్యంతో మూడు రాజధానుల బిల్లును వెనక్కు తీసుకున్నారు. ఆ బిల్లు ఉపసంహరణ తరువాత తొలిసారి విశాఖలో అడుగుపెడుతున్నారు. మరి రాజధానిపై క్లారిటీ ఇస్తారా..? విశాఖ ప్రజలకు ఆయన ఏం సమాధానం చెప్పబోతున్నారు.

సీఎం జగన్ తొలిసారి ఓ పాలనా పరమైన కార్యక్రమానికి తొలిసారి విశాఖ వస్తున్నారు. గతంలో రెండు మూడు సార్లు విశాఖ వచ్చినా.. శారద పీఠానికి వెళ్లి స్వామి ఆశీస్సులు తీసుకోవడమే.. లేదా ఒడిశా, Srikakulam వెళ్తూ విశాఖలో ఆగడమో తప్ప.. నేరుగా విశాఖ వచ్చిన సందర్భం లేదు. గతంలో ఓ సారి అనుకున్నా ఆ పర్యటన వాయిదా పడింది. దీంతో ఈ సారి సీఎం జగన్ పర్యటనపై ఆసక్తి నెలకొంది. మూడు రాజధానులను ఏర్పాటు చేయడానికి ఉద్దేశించిన ఏపీ వికేంద్రీకరణ బిల్లును ఉపసంహరించుకున్న తరువాత వైఎస్ జగన్ తొలిసారిగా విశాఖపట్నానికి బయలుదేరి వెళ్లనుండటం రాజకీయంగా ప్రాధాన్యతను సంతరించుకుంది. విశాఖపట్నాన్ని పరిపాలన రాజధానిగా బదలాయించాలని ప్రతిపాదించిన బిల్లు అది. దీన్ని వెనక్కి తీసుకోవడాన్ని వ్యతిరేకిస్తూ ఇదివరకు ఉత్తరాంధ్ర ప్రజా సంఘాల ఐక్యకార్యాచరణ సమితి నాయకులు నిరసన ప్రదర్శనలను సైతం నిర్వహించారు. ఇప్పుడు వారంతా నిరసనలు తెలిపే అవకాశం లేకపోలేదు.. విశాఖ వచ్చిన తరువాత ఈ సమస్యపై స్పందిచకపోతే మరిన్ని విమర్శలు ఎదుర్కోవలసి వస్తుంది. మరోవైపు శ్రీరామ నవమి నాటికి విశాఖ రాజధాని పనులు ప్రారంభమవుతాయని గతంలో ఓ మంత్రి అన్నారు. ఈ నేపథ్యంలో సీఎం జగన్ దానిపై క్లారిటీ ఇస్తారా లేదో చూడాలి.