సోషల్ మీడియాలో టీడీపీ నేత పెట్టిన పోస్ట్‌పై వైఎస్సార్‌సీపీ కార్యకర్తలు స్పందించారు. ఎమ్మెల్యే నందూమరి బాలయ్య ఇంటి ముట్టడికి ఆ పార్టీ కార్యకర్తలు ప్రయత్నించారు.

Anantapur district  హిందూపురంలో బాలయ్య ఇంటి దగ్గర ఉద్రిక్తత పరిస్థితులు కనిపించాయి. డంపింగ్ యార్డు విషయంలో వైసీపీ, టీడీపీల మధ్య వివాదం మొదలైంది.. దీనిపై సోషల్ మీడియాలో టీడీపీ నేత పెట్టిన పోస్ట్‌పై వైఎస్సార్‌సీపీ కార్యకర్తలు స్పందించారు. బాలయ్య ఇంటి ముట్టడికి ఆ పార్టీ కార్యకర్తలు ప్రయత్నించారు. సమాచారం అందుకున్న పోలీసులు వైఎస్సార్‌సీపీ శ్రేణుల్ని అడ్డుకున్నారు. అభివృద్ధిపై ప్రశ్నిస్తే ఇంటిని ముట్టడిస్తారా అంటూ టీడీపీ శ్రేణులు మండిపడుతున్నాయి.

టీడీపీ నేతలు రెచ్చగొట్టే వైఖరితో ఉన్నారని వైఎస్సార్‌సీపీ మండిపడుతోంది. అభివృద్ధిపై టీడీపీ చేసిన సవాల్‌ను స్వీకరించి వచ్చామని ఆ పార్టీ నేతలు అంటున్నారు. వైఎస్సార్‌సీపీ కేడర్‌కు పోటీగా టీడీపీ కార్యకర్తలు కూడా అక్కడికి చేరుకున్నారు. ఈ క్రమంలో వైఎస్సార్ సీపీ-టీడీపీ వర్గీయుల వాగ్వాదం జరిగింది. పోలీసులు పరిస్థితి చేయదాటక ముందే ఇరువర్గాలను అదుపులోకి తీసుకున్నారు.. దీంతో అక్కడ పరిస్థితి సద్దుమణిగింది.